Այս գիտաժողովի նպատակներից ելնելով՝ «կանանց զորեղացում», «կանանց առնչվող ռիսկի գործոններ» և «փաստերի վրա հիմնված» եզրերը սահմանվում են հետևյալ կերպ՝
- Կանանց զորեղացում. աղջկա կամ կնոջ վերահսկողություն սեփական առողջության, ապահովության, հավասար հնարավորությունների, բռնությունից զերծ և կայուն կյանքի պայմանների նկատմամբ, ընտանիքում ու հասարակության մեջ ղեկավար դիրք ստանձնելու, որոշումներ կայացնելու և խնդիրներ հարթելու հնարավորություն:
- Կանանց զորեղացմանն առնչվող ռիսկի գործոնները հասարակության մեջ լրատվամիջոցների, ժամանցային, քաղաքական, սոցիալական, կրթական, առողջապահական, տնտեսական, իրավական և այլ համակարգերի միջոցով արմատավորված կամ խրախուսվող համոզմունքները, արժեքներն ու գործելակերպերն են, որոնք վարկաբեկում են կանանց և աղջիկների կերպարը, արժեքը, ապահովությունը, առողջությունը և հավասար հնարավորությունները։ Սրանք կարող են համարվել կանանց զորեղացմանն առնչվող ռիսկի գործոններ: Աղջիկների և կանանց զորեղացմանն առնչվող ռիսկի գործոնները կարող են ներառել, բայց չսահմանափակվել հետևյալով.
- գենդերային անհավասարություն, կարծրատիպեր,
- հղիության սեռով պայմանավորված արհեստական ընդհատումներ,
- ընտանեկան բռնություն,
- սեռական թրաֆիքինգ,
- բռնաբարություն,
- սեռական ոտնձգություն,
- գենդերով պայմանավորված սպանություն,
- որբ աղջիկների հանդեպ ստորացուցիչ վերաբերմունք,
- միայնակ, աղքատ, ծեր, ԼԳԲՏ, ներգաղթյալ, էթնիկ փոքրամասնության ներկայացուցիչ, սեռական աշխատանք կատարող կանանց հանդեպ ստորացուցիչ վերաբերմունք,
- արդար և վճարովի աշխատանքի սահմանափակ հասանելիություն,
- մա,
- լրատվամիջոցներով կանանց հանդեպ բռնությունը սովորական երևույթի վերածում,
- քաղաքականության, կառավարման, սպորտի, բիզնեսի, մշակույթի և հասարակական այլ ասպարեզներում մասնակցության ու ղեկավար պաշտոններ զբաղեցնելու սահմանափակ հնարավորություն,
- բովանդակային հետազոտության, պաշտպանական քաղաքականությունների, քաղաքականության իրականացման արդյունավետ մեթոդների պակաս,
- սեփական առողջության և բարեկեցության նկատմամբ վերահսկողության պակաս,
- ռիսկի գործոնների այլ օրինակներ, որոնք կբացահայտվեն և կքննարկվեն գիտաժողովի մասնակիցների կողմից:
- «Փաստերի վրա հիմնված» կոչվում է ցանկացած ռազմավարություն, մոդել, ծրագիր կամ քաղաքականություն, որը բխում կամ հիմնավորվում է հետազոտության և (կամ) գնահատման միջոցով: